1954: dó ’l càp
Al vé la dé e hó già ’n del cap
a pudà ’l vidùr che ó töt a mèh.
An pér de htiài e bràghe de ’elut,
al mé giübì ’mpó lìde che gh’ìe de holdàt,
an barèt e la sciarpa de lana
che la m’à fàt Tognèta, mé moér;
an tàhca ’l fahöl e pò ’l podèt
e ’n crühtèl de formài, ma de chel bù.
Finìhe ché, e pò naró de chèla bànda
a robà ’nna ’nhèrta de pèrhec tempurìcc.
E pò a Dàrf de Marsigaglia
a hercà ’n pòht de laurà.
De hólcc al ghe n’è mìa, e tant al trebülà,
ma ’nn à compràt al gàs
per al lat dei nóh tré pi.
I me dirà de nò anche ’hta ’ólta, al me par già:
an törà-ho i nóh patàm e ’gnarà na,
al me rincrèh a duì nà-la de la mé ca.
Anfìna ’n Càngia a fà ’l bacànc,
he ’n völ vìga de mangià:
Mènec de Céser l’è già fó-lé, e l’è già ’mpó.
Htrìche la bóca: ’òi mìa hcultà,
tìre-hó col nàh: ma l’è negóta,
ghe ’ède quasi gnànche piö: al harà l’àrgia.
Amò dói gàmbe e pò ó finìt.
Al và-la la brìna, al hùl l’è ché
ó finìt i htropèi, de bòt l’è-hà mehdé.
1954: nel campo
È l’alba e son già nel campo
a potare la vite che ho a mezzadria.
Un paio di stivali e pantaloni di velluto
il mio giubbino un po’ liso che avevo da soldato
un berretto e la sciarpa di lana
che mi ha fatto Antonietta, mia moglie
in tasca il fazzoletto e il falcettino
e una crosta di formaggio di quello buono.
Finisco qui e poi andrò in quel certo campo
a rubare un innesto di pesche primaticce.
E dopo a Darfo da Marsigaglia
per cercare un posto di lavoro.
Soldi non ce ne sono, e molta la fatica
ma abbiamo comperato il fornello a gas
per il latte dei nostri tre bambini.
Mi diranno di no anche questa volta, lo so già
prenderemo le nostre quattro cose e ci toccherà partire
mi dispiace di dover andar via da casa.
Lontano, fino in Candia [Lomellina] a lavorare nelle stalle
se vogliamo avere qualcosa da mangiare.
Domenico di Cesare è già là, già da tempo.
Stringo le labbra, non voglio ascoltare.
Tiro su col naso: ma non è nulla.
Non ci vedo quasi più: sarà l’aria.
Ancora due piante e poi ho finito.
La brina si scioglie, è qui il sole.
Ho finito i vimini, fra poco è mezzogiorno.
Cremignane gennaio 2007
An bratì de föc La Mèda ’Üdèpa
1954: dó ’l càp by Vittorio Volpi
is licensed under a Creative Commons Attribuzione-Non commerciale-Non opere derivate 2.5 Italia License.On line dal 22 novembre 2009
Copyright © Vittorio Volpi